Aschi Rüegsegger meint:

"Me seit ja öppe, d Musig sygi d Leiter i  Himmel. Henu, i däm Fall isch ds Jodle dr Lift!"    (frei nach Hermann Lahm)


Summerpouse

O mir gönne üs es paar Wuche Summerpouse. Üsi nächschti Prob isch de am 8. Ougschte, wie gäng am Achti im Chilchgmeindhuus z Gümlige.

 

Wär jitz aber meint, es louf derwyle nüüt, trumpiert sech. D Musigkommission isch flyyssig am uswähle vo Lieder für Konzärt und „Wettkämpf“. Und das isch de im Fall nid ganz eifach! Uf dr einte Syte sölle di „alte“, traditionelle Lieder pflegt wärde, uf dr andere Syte wei mer  o mal chly öppis „Frächers“ und "Nöiers" usprobiere. De sötti i dene Lieder uf jede Fall e Jutz vorchoo und schliesslech sötte si de o no zu üsne Stimme und Müglechkeite passe…

Henu, mir wärde’s de gseh und Dir hoffentlech scho glyy irgendwo ghöre!

Mir wünsche nech jitz afe mal es paar schöni Summerwuche!